Food, Travel and Observations!

Canvas Painting workshop at home

Canvas Painting workshop at home

અહી આવ્યા પછી અનુજની કોલેજમાં ભણતા મિત્રોને મળવાનું થયું. તૃપ્તિ, આશિષભાઈ, વિનય ભાઈ, ધરા, વિવેક, કૃપાલી, ધ્વનિલભાઈ, શિવાની, રીચા અને રોહનભાઈ. અમારી પહેલી મુલાકાત ડીસેમ્બર ૨૦૧૫ માં થઇ અને પછી તો અમને બધાને સાથે રહેવાની, ફરવાની ખુબ મજા આવવા લાગી. અમે બધા ખુબ સારા મિત્રો બન્યા 🙂 તૃપ્તિની દીકરી આર્યાનો જન્મ પણ થયો અને અમારા ગ્રુપમાં રમકડું શામેલ થયું.

અમે બધાએ ૧૦ દીવસ પહેલા જ બધી છોકરીઓએ ભેગા થઈને વુંમંસ ડે ઉજવ્યો. મારા ઘરે ભેગા થઈને ગરબા કર્યા, ગીતો ગાયા, વાતો કરી. ટુકમાં ખુબ મજા કરી.  મારી મમ્મી અને પ્રીત અહી આવ્યા. તૃપ્તિના મમ્મી ઈલાઆંટી અહી આવ્યા. મારે વેકેશન પડ્યું અને તૃપ્તિએ પણ વેકેશન લીધું અને વીકેન્ડમાં અમે બધા નવરા થયા 🙂 એટલે અમે કેનવાસ પેન્ટિંગનો વર્કશોપ મારા ઘરે રાખ્યો.  શિવાની ખુબ જ સરસ કેનવાસ પેન્ટિંગ કરે છે જેના નમુના અમે એના ઘરે ગયા ત્યાંરે દરેક દીવાલ પર જોયા 🙂 એટલે અમે પ્લાન બનાવ્યો અને આજે(૧ અપ્રિલ ૨૦૧૭) બપોરે ૨ થી સાંજના ૭, વર્કશોપનું આયોજન કર્યું 🙂

હું બધા માટે કેનવાસ લઇ આવી, બધા કલર અને પીછીઓ લઇ આવ્યા અને પછી શરુ થયું અમારું દોરવાનું કામ. શિવાનીએ ખુબ જ શાંતિથી અને પ્રેમથી અમને બધાને શીખવાડ્યું અને રંગો સાથે રમતા શીખવ્યું 🙂
અલગ અલગ રંગો કેવી રીતે વાપરવા, પીંછી કેમ વાપરવી, જેવી ઘણી બધી નાની નાની બાબતો શીખ્યા. પ્રીત અને મમ્મીએ પણ ભાગ લીધો અને મને વિશેષ આનંદ એ થયો કે મમ્મીએ ઘણા વર્ષો પછી પેન્ટિંગ કર્યું અને એ પણ ખુબ જ સુંદર 🙂

અમારા  કેનવાસ પેન્ટિંગ પુરા થયેલા જોઇને અમે ખુબ ખુશ થયા 🙂 શિવાનીના ખુબ ખુબ આભારી છીએ. મે પહેલી વખત 3D કેનવાસ પેન્ટિંગ કર્યું 🙂

અમારાં આજના યાદગાર દિવસની કેટલીક ક્ષણો મે કેમેરામાં કેદ કરી તેની થોડીક ઝલકો 🙂

IMG_2970

બધા કેટલા બધા મગ્ન છે ? 🙂

મારું અને ધરાનું 3D પેન્ટિંગ

મમ્મી અને કૃપલીનું શેડિંગ પેન્ટિંગ

પ્રીત, તૃપ્તિ અને રિચાનું 2D પેન્ટિંગ

IMG_3017

અમારા ગુરુ શિવાની સાથે 🙂

IMG_3021

ખુબ ખુબ આભાર શિવાની 🙂
(કોઈને પણ શિવાની પાસેથી પેન્ટિંગ શીખવું હોય તો મને સંપર્ક કરી શકે છે )

 

 

 

 

 



2 thoughts on “Canvas Painting workshop at home”

Leave a Reply